“O’zing yarat!” loyihasi doirasidagi pulli o’quv kurslari va boshqa xizmatlar Farg’ona shahar “Fer Modern Service” xususiy korxonasi tomonidan ko’rsatiladi. Standart (3 yoki 4 oylik) o’quv kurslarini yakunlaganlarga sertifikat beriladi.

Onlayn qarslarga tegishli guruh to’lgan zahoti start beriladi.
Barcha onlayn darslar Telegram messenjeri orqali konferensiya rejimida olib boriladi.
Kunduzgi dars vaqti 06:00 dan 18:00 gacha oraliqdan guruhdagi o’quvchilar bilan kelishilgan holda tanlanadi (masalan, 06:00 dan 08:00 gacha, 10:00 dan 12:00 gacha, 15:00 dan 17:00 gacha va hokazo);
Kechki dars vaqti 19:00 dan 23:00 gacha oraliqdan guruhdagi o’quvchilar bilan kelishuv asosida tanlanadi (Masalan, 20:00 dan 22:00 gacha yoki 21:00 dan 23:00 gacha va hokazo).

O’quvchilarga qo’yiladigan asosiy talablar:

• Kompyuter savodxonligi, dasturlash asoslari bo’yicha boshlang’ich bilimlarga ega bo’lish;
• Yoshi “Robototexnika” (14+) yoki “Robototexnika-2” (18+) kurslari bosqichiga mos bo’lishi;
• yarat.uz saytida ro’yxatdan o’tish. Barcha dars materiallari va dasturlar kodlari saytda oldindan joylashtirilgan va konspekt qilib borishga ehtiyoj yo’q. Lekin, ulardan to’liq foydalanishga faqat ro’yxatdan o’tgandan o’quvchilarga sayt admini tomonidan ruxsat beriladi, boshqalar uchun dars materiallari to’liq ko’rsatilmaydi;
• Windows 7/8/10/11 operatsion tizimlaridan biri o’rnatilgan stol kompyuteri yoki noutbuk. Unga esa, quyidagi dasturlar oldindan o’rnatililishi maqsadga muvofiq (namuna sifatida Windows 10/64 uchun tegishli dasturning manbasiga va tayyor fayliga (qavs ichidagisi) to’g’ridan-to’g’ri havolalar keltirilmoqda): 1) “Telegram desktop” (v.5.1.0.7); 2) “Arduino IDE” (v.1.8.19), imkoniyat doirasida Arduino IDE uchun ESP8266 va ESP32 platalari dasturiy ta’minoti/drayverlari/bibliotekalari; 3) CH340 yoki CH341 (CH340, CH341), FT232, CP210x UART interfeysi/konverteri/programmator drayverlari; 4) ArduBlock dasturi (v.2.0 offlayn); (“Robototexnika-2” kurslari uchun FLProg (v.8.2.3 portativ) dasturi ham o’rnatilishi kerak). Boshqa bir qator dastur va Arduino IDE uchun bibliotekalar darslar davomida yuklab olinadi va o’rnatiladi;
• Boshqalardan ortda qolmaslik uchun tegishli amaliy darslarga qadar o’quvchi kerakli o’quv qurollari va elektron komponent to’plamlarini sotib olgan bo’lishi kerak. O’quv qurollarini mustaqil ravishda ixtiyoriy robototexnika do’konidan yoki “O’zing yarat!” onlayn do’konidan sotib olishlari mumkin (ushbu sahifaga o’tib esa, ayrim boshqa onlayn do’konlardan mahsulotlarni yetkazib berish muddatlari va arzonroq sotib o’lish uchun nimalarga e’tibor berish kerakligi haqidagi ma’lumotlar bilan qisqacha tanishish mumkin). O’quv qurollarini hammasini birdaniga sotib olish majburiy emas, imkoniyat doirasida darslar oralig’ida sotib olish ham mumkin. Lekin, bunda onlayn do’konlardan buyurtma yetkazib berish vaqtini ham hisobga olish kerak.

Diqqat, aksiya!

“O’zing yarat!” loyihasi doirasidagi “Robototexnika” va “Robototexnika-2” kurslariga start berilishi munosabati bilan, o’quv kurslariga ro’yxatga yozilgan barcha o’quvchilarga amaliy darslarda foydalaniladigan bir qator dars qurollari bepul taqdim etiladi. Ushbu aksiya haqida batafsil ma’lumotlarni onlayn do’konning Telegram-kanalida batafsil ma’lumotga ega bo’lishingiz mumkin!

 “O’zing yarat!” loyihasi doirasidagi onlayn o’quv kurslari narxlari

Izohlar:
* – amaliy mashg’ulotlarda foydalaniladigan barcha asbob-uskunalar (payalnik to’plami, tester) va komponentlar to’plamini (mikrokontroller, rele, datchiklar, modullar, maket platasi, 3,3V/5V stabilizator, 5V akkumulyator, USB-kabel, o’tkazgichlar va hokazo) sotib olish harajatlari oylik to’lovlarga kirmaydi, ya’ni o’quvchilarning o’zlari hisobidan amalga oshiriladi. Ularni o’quvchilar o’zlari mustaqil ravishda yoki “O’zing yarat!” onlayn do’konidan sotib olishlari mumkin;
** – [14+] yosh kategoriyasidagi mavzular ularning murakkabligi va elektr xavfsizligi nuqtai nazaridan belgilangan, amaliy mashg’ulotlarda payalnik va yuqori kuchlanish bilan ishlanmaydi, faqat boshlovchilar uchun mo’ljallangan. [18+] yosh kategoriyasidagi mavzulari faqat kusning 1-bosqichini yoki robototexnika kurslarini yakunlaganlar hamda oliy o’quv yurtlari talabalari uchun mo’ljallangan. Kuslarga yozilish suhbat asosida amalga oshiriladi;
*** – Har bir dars rasman 2 soatni tashkil etadi, amalda mavzuga qarab 2.5 – 3 soatgacha davom etishi mumkin.

O’quv kurslarida o’rganiladigan mavzular